Skip to main content

羅馬字台文顯示ê問題

羅馬字台文顯示ê問題


「Ū chi̍t-chiah o͘-a m̄ káⁿ chia̍h ō͘-á--o͘h!」

羅馬字台文tī電腦、手機á等等ê資訊系統因為台文iáu無普及，致使開發作業系統、軟體ê廠商無支援，顯示ê時真有可能ē無法度正常。
Che對一般使用者來講mā是真頭疼oh解決ê問題。下底lán to̍h來簡單說明問題kap原因。

問題是siáⁿ款？

先來看chit句話顯示正常應該是án-ne：

有可能ē têng-tâⁿ pìⁿ做án-ne：

A̍h是têng-tâⁿ pìⁿ án-ne：


甚至têng-tâⁿ 出現一般講ê「豆腐字」：


Mā有可能連「豆腐字」to̍h無看--tio̍h，字直接消失--去。

問題tī tó位

Kā問題簡單做1-ê整理，有機會走精--去-ê是下底幾種情形。
  • 第7聲oai-chhoa̍h a̍h是消失
  • 第8聲oai-chhoa̍h a̍h是消失
  • 「i」ê第8聲，第1聲頂koân hit點iáu koh tī--leh
  • 「i」ê第8聲，頂koân hit-ki直--ê oai-chhoa̍h a̍h是消失
  • 白話字母音「o͘」ê hit點oai-chhoa̍h a̍h是消失
    • Hit點nā oai-chhoa̍h有可能ē kap後壁ê字黏做伙，譬喻「o͘h」
  • 白話字鼻音「ⁿ」消失
Lán koh tùi 1-pái例看māi。
正確--ê：


錯誤--ê：




看chia例ê錯誤，就是頂koân講--ê某幾項問題。

台文ê支援程度

到底是án-ná ē án-ne--leh？簡單解說to̍h是下底幾項，內底至少其中1項無支援羅馬字台文ê Unicode：
  • 作業系統
  • 軟體
  • 字體
一定ài 3種lóng有支援chiah ē正常顯示，chit-má大部份ê作業系統lóng有支援，字體有支援--ê有，m̄-koh數量無chē，軟體nā開發ê公司無支援，to̍h真hùi-khì。
是án-ná羅馬字台文ê Unicode chiah麻煩？簡單講to̍h是少人用。Nā beh講khah詳細ê原因，因為有1-kóa字tī Unicode內底是用tàu--ê，有興趣ē-sái用ē-kha chit-ê網站sńg看māi：
https://unicodelookup.com/

台文ê Unicode

Chit-ê網站ē-sái將字ê Unicode拆khui，lán用「ḿ」kap「m̄」來試看māi：
「ḿ」：


「m̄」：


「ḿ」tī Unicode內底是1-ê字ê編碼niâ，m̄-koh「m̄」soah是2-ê字碼tàu做hóe--ê，致使軟體需要特別處理2-ê字碼tàu做hóe ê部份，nā無處理好勢，a̍h是字體無支援，to̍h ē走精--去。
其他有問題ê字mā是kāng款ê原因。

適合台文ê字體？

推薦ê羅馬字台文字體，另外整理1篇文章tī chia：

https://siataibun.blogspot.com/2020/01/lomaji-e-taibun-jithe-anna-keng.html

參考資料

歡迎提供相關資訊補充，感謝！

Comments

  1. kahokumabenMarch 5, 2022 at 2:59 AM

    Titanium Water Bottle | TitaniumArt
    Titsanium titanium aura quartz Water Bottle is titanium damascus knives designed by a titanium flat irons team of artists from TITONA. This is titanium athletics a bottle made with the titanium ore best titanium dioxide and Tritonium as they are blended $11.95 · ‎In stock

    ReplyDelete

Post a Comment

Popular posts from this blog

Adobe Illustrator (AI) 正常顯示羅馬字台文ê法度

「Ū chi̍t-chiah o͘-a m̄ káⁿ chia̍h ō͘-á.」 Nā是beh用 Adobe Illustrator (AI) 來做圖寫羅馬字台文ê時，tiāⁿ-tio̍h ē tú tio̍h羅馬字顯示無完整、走精ê問題。 Nā有興趣了解原因，ē-sái來看chit篇文章： https://siataibun.blogspot.com/2020/01/lomaji-taibun-hiansi-e-bunte.html Beh解決真簡單，因為台灣chia一般AI預設ê語言選項是用「East Asian」，無完全支援羅馬字台文，詳細ē-sái看Adobe ê說明文件： https://helpx.adobe.com/illustrator/using/asian-scripts.html Lán beh做ê tāi-chì真簡單，kā語言選項改去有支援羅馬字台文tàu字方式ê「Indic」模式to̍h ē-sái！ Ē-kha lán看圖1步1步1步來改： （我是用 AI 2019 英文版，其他版本應該差不多） 1. Kā設定畫面khui--起來，kéng「Type...」： 2. Kā內底ê「Language Options」改做「Show Indic Options」： 3. Phah你beh phah ê羅馬字台文： （Ē-sái試看māi：「Ū chi̍t-chiah o͘-a m̄ káⁿ chia̍h ō͘-á.」） 4. Kā字體改做有支援羅馬字台文ê字體： （Ē-sái試看māi改做「Times New Roman」） 5. Tī「Paragrraph」ê「More Options」內底，有1-ê mĕ-niú ē-sái叫--出-來，kéng「Middle Eastern & South Asian Every-line Composer」： 6. 看māi字kám是pìⁿ正確--ah？： （下底hit-chōa字有改） 7. Nā有1-kóa字體顯示koh有問題，ē-sái試看māi kā轉做 outline ，to̍h是kā文字轉做圖...
2 comments
Read more

羅馬字台文ê字體Án-ná Kéng

直接講重點，chia建議幾ê字體，ē-sái先試看māi： 大部份電腦lóng有--ê Times New Roman（M̄-koh有ê軟體無法度支援chiok好） 開放字體，ē-sái免費個人使用、商用 建議使用，支援度真好 白話字字體  https://github.com/aiongg/POJFonts 源系列 源樣明體 https://github.com/ButTaiwan/genyo-font 源流明體 https://github.com/ButTaiwan/genryu-font 源雲明體 https://github.com/ButTaiwan/genwan-font 源樣黑體 https://github.com/ButTaiwan/genyog-font 源石黑體 https://github.com/ButTaiwan/genseki-font 源泉圓體 https://github.com/ButTaiwan/gensen-font 粉圓  https://justfont.com/huninn/ 豆腐烏  https://tauhu.tw/ Doulos SIL  https://software.sil.org/doulos/ 商業字體 JustFont 金萱 金萱那提 凝書體 激燃體 我ka-tī平常時是建議ta̍k-ke用「Times New Roman」，因為大部份電腦lóng有，免koh叫人安裝字體。 一般人kan-na文書處理iáu無siáⁿ大問題，傳檔案hō͘其他ê人mā看ē tio̍h。 Nā需要排版，a̍h是beh印刷輸出，請用頂koân建議ê開放字體，顯示ê結果就真正確，tī Adobe設計軟體mā ē-sái用。 Nā需要khah súi ê字體，建議kā JustFont公司買，in有 特別針對羅馬字台文設計kap處理 ，有問題mā ē-sái直接和in反應。（真正m̄是廣告） M̄-koh ta̍k款系統、軟體不時teh更新，beh用iáu是ka-tī試看māi khah準確。 下底chit篇文章有整理thang試驗字體ê羅馬字台文： https://siataibun.blogspot.com/2020/01/lomaji-hians...
2 comments
Read more

羅馬字台文顯示ê試驗表

Ē-sái將下底ê文字kho͘去文字檔案，換無kâng ê軟體、字體試看māi，kám有lóng正確顯示： A (Precomposed): a á à â ā ă A Á À Â Ā Ă A (Combined): a à á â ā a̍ ă a̋ A À Á Â Ā A̍ Ă A̋ I (Precomposed): i í ì î ī ĭ I Í Ì Î Ī Ĭ I (Combined): i ì í î ī i̍ ĭ i̋ I Ì Í Î Ī I̍ Ĭ I̋ U (Precomposed): u ú ù û ū ŭ ű U Ú Ù Û Ū Ŭ Ű U (Combined): u ù ú û ū u̍ ŭ ű U Ù Ú Û Ū U̍ Ŭ Ű O (Precomposed): o ó ò ô ō ŏ ő O Ó Ò Ô Ō Ŏ Ő O (Combined): o ò ó ô ō o̍ ŏ ő O Ò Ó Ô Ō O̍ Ŏ Ő O + dot + tone mark: o͘ ò͘ ó͘ ô͘ ō͘ o̍͘ ŏ͘ O͘ Ò͘ Ó͘ Ô͘ Ō͘ O̍͘ Ŏ͘ O + tone mark + dot: o͘ ò͘ ó͘ ô͘ ō͘ o̍͘ ŏ͘ O͘ Ò͘ Ó͘ Ô͘ Ō͘ O̍͘ Ŏ͘ O (Precomposed) + dot: o͘ ó͘ ò͘ ô͘ ō͘ ŏ͘ O͘ Ó͘ Ò͘ Ô͘ Ō͘ Ŏ͘ E (Precomposed): e é è ê ē ĕ E É È Ê Ē Ĕ E (Combined): e è é ê ē e̍ ĕ e̋ E È É Ê Ē E̍ Ĕ E̋ M (Precomposed): m ḿ M Ḿ M (Combined): m m̀ ḿ m̂ m̄ m̍ m̆ m̋ M M̀ Ḿ M̂ M̄ M̍ M̆ M̋ N (Precomposed): n ń ǹ N Ń Ǹ N (Combined): n ǹ ń n̂ n̄ n̍ n̆ n̋ N Ǹ Ń N̂ N̄ N̍ N̆ N̋ Nā無確定結果，chia有提供1份已經kā文字轉圖ê PDF檔案，ē-sái ka-tī比對看māi： ...
3 comments
Read more